اسباب عدم الرد على سعر السلع في كومنتات الفيس بوك " السعر إنبوكس يا فندم "


اسباب عدم الرد على سعر السلع في كومنتات الفيس بوك " السعر إنبوكس يا فندم "

افضل شركات التسويق الالكتروني ، تصميم تطبيقات الهواتف الذكية ، حملات التسويق الالكتروني ، التسويق الالكتروني ، تطبيقات الهواتف الذكية ،الإعلانات المدفوعة ، سيو ، محركات البحث ، فكر جروب ، جوجل ، شركة تسويق الكتروني ، شركات تسويق الكتروني ، تصميم مواقع ، مبرمجي مواقع


كتير اوى بنحب نسأل عن سعر منتج أو خدمة في صفحات الفيس بوك ويكون الرد من صاحب البوست هو " السعر إنبوكس يا فندم " !!
فتغضب وتقول ليه كده طب يرد هنا وخلاص 😠

هو في الحقيقة موضوع مستفز جدا بالنسبة لك ولكن بالنسبة لصاحب البوست هو من الافضل له انه يبعتلك السعر إنبوكس
😦 طب متزعلش منى تعال اقولك لييييه …

طب قولي الاول انت بتسأل عن السعر ليه ؟!
أثبتت العديد من الدراسات الخاصة بسلوك المستهلك أن نسبة كبيرة جدا من اللي بيسألوا عن سعر المنتج لا يوجد لديهم نية الشراء حتى ولو كانت السلعة رخيصة ومناسبة … طب بيسألوا ليييه !!! في مليون سبب يخليك تسأل عن سعر سلعة وانت مش ناوي تشتري .
ممكن يكون فضول منك مش اكتر
ممكن تكون اشتريت واحده فعلا وعايز تعرف اذا كان سعرها كان مناسب ولا لا  
ممكن عشان تقارن بين سلعتين
ممكن تكون منافس وعايز تعرف سعر المنتج
وفي اسباب تانيه كتيييير

طب انا صاحب السلعة اتأكد ازاى من جديتك للشراء وانك فعلا هتشتري  ؟؟
الحل الوحيد اني اصعب عليك الاستفسار واطلب منك تسأل على الخاص فالشخص فعلا المهتم هيسأل على الخاص والغير مهتم هيغضب و مش هيسأل ..

واكيد مش ده السبب الوحيد في اسباب تانيه كتير  … هقولك

في سبب مهم جدااا وهو التفاعل على البوست

اي اعلان بيتم على الفيس بوك بيكون الهدف منه هو الوصول لأكبر شريحة مستهدفة وتحقيق التفاعل وبأقل تكلفة .

فلنقترض ان حضرتك سألت في اول كومنت على السعر وتم الرد عليك فعلا فهل تعتقد ان في حد تاني هيسأل !!! اكيد لا
يبقى كده هو خسر أهم هدف وهو التفاعل على الإعلان وعدم وصول الإعلان لأكبر شريحة .

وفي حاجة معروفة عند المسوقين وهى  Cost Per Click يعني التكلفة مقابل التفاعل الواحد وديه بتتحسب من خلال قسمة ميزانية الإعلان على عدد التفاعلات
فلما التفاعل على البوست يقل بالتالي هتزيد تكلفة التفاعل الواحد جدا وبالتالي الاعلان مش هيحقق النتيجة المطلوبة وهتكون تكلفته كبيرة

ومن الاسباب التانية اللي تخلي صاحب البوست يقولك " السعر إنبوكس يا فندم " هو ….
سرعة تغير الأسعار بشكل رهيب من الصعب تحافظ سلعة على سعرها لفترة
فتخيل معي انه تم الرد على سعر السلعة في الكومنت وبعدها بفترة دخل مشتري وشاف السعر وراح فعلا  المكان عشان يشتري واتفاجأ ان سعر السلعة زاد 😦
هيكون صورة سلبية جدا عن الشركة وهينقل الصور ديه لكل معارفه .

وتجنبا للتعليقات السلبية ممكن صاحب البوست يقولك " السعر إنبوكس يا فندم "

  • بكام لو سمحت
  • 250 جنيه يا فندم  (:
  • ههههه ليه بتنور في الضلمة 😂
  • انتو حرامية زيها بالظبط وبـ 200 بس 😠
  • 😏

والتعليقات السلبية ديه بتأثر تأثير كبير على أي مشتري كان ناوي فعلا شراء السلعة

ممكن تتعرف على خدمات فكر للتسويق الالكتروني من هنا

افضل شركات التسويق الالكتروني ، تصميم تطبيقات الهواتف الذكية ، حملات التسويق الالكتروني ، التسويق الالكتروني ، تطبيقات الهواتف الذكية ،الإعلانات المدفوعة ، سيو ، محركات البحث ، فكر جروب ، جوجل ، شركة تسويق الكتروني ، شركات تسويق الكتروني ، تصميم مواقع ، مبرمجي مواقع

تعليقات

المشاركات الشائعة من هذه المدونة

7 طرق لتحسين دمج المحتوى التسويق عبر شركتك

5مراحل لخطه تسويق ناجحة لإطلاق منتج جديد

أحدث وسائل التسويق بالمحتوى